Natale 2021
NATALE FORE
Oggi 25 Dicembre è nu juorno importante!
E’ nato ‘o Bambiniello!
L’aria ca se respira è quasi allera.
Pecchè? Pecchè ‘o male sta ancora ccà!
Ma dicimmo a verità!
Stammo meglio ‘e l’anno passato!
L’importante è sentì ‘o calore d’a famiglia!
‘A famiglia! Nun è solo chella tradizionale!
Pure tra cumpagni, se sì cumpagno overo, te senti ‘n’ famiglia !
E si staje sulo,
e cammini p’a via e te trovi a parlà cu uno ca se sente chiù sulo ‘e te,
a chillu mumento,
te pare ‘e te sentì ‘n’ famiglia!
Nun sulo ‘o Covid è nà malatia!
Pure ‘o disprezzo, ‘a mmiria, a mancanza ‘e rispetto,
pe chi tene core,
addeventa ‘na malatia.
Gesù, ‘o ssaccio ‘ca sì sciso ccà abbascio,
è p’ accuncià ‘e ccose!
Sta vota ‘è fa ‘na fatica rossa assaje!
Ma crirm! Io me vulesse scetà dimane,
e verè ‘nnanzi a me,
sulo gente ca s’ aiuta,
ommeni ca nun vattono femmene,
mamme e pate ca nun jettano e figli,
gente ca nun s’accire,
‘o puveriello ca ha truato ‘na fatica,
e che ci cummana, nun pazzea ‘c’ salute nostra.
Bambinello mio,
ma che è sta prigione?
Cattiveria, dolore fisico, morale
e soffereze ‘e tutte ‘e manere.
Oggi staje miezo a nuje,
me fai capì ‘o pecchè?
A’ggia ascì fòre ‘a sto cerchio viziusu?
Si Si, sento l’addore de ‘rose,
Veco gente ca se vo bene,
‘o puveriello ‘ca scopa ‘mano ca pulezza ‘a via,
‘o marito ca bacia ‘a mugliera,
‘o pate e a mamma ca pazzeano cu i figli.
Ma sto sunnanno?
Nooo è tutto overo!
Gesù, grazie Gesù!
Oggi e pe sempe
Natale fore
Rosita Arpaia
